Event Info
Canllaw Oedran: 12+ oed - mae'r sioe yn cynnwys themâu aeddfed, nad ydynt yn addas i blant ifanc.
Rhediad: 55 munud/toriad 20 munud/50 munud + Sgwrs ar ôl y sioe
Mae'r rhaffau'n barod, mae'r dorf yn aros, ac mae gan y crogwr brentis newydd.Pan gaiff Claus Kohler ei brentisio i Frantz Schmidt, dienyddiwr profiadol Nuremberg, mae'r ddau ddyn yn cael eu taflu at ei gilydd mewn byd lle mae dyletswydd, moesoldeb a phŵer yn gwrthdaro, ac mae pob penderfyniad yn gadael marc. Ond wrth i'r crogbren lenwi ac amheuaeth wreiddio, mae eu tyngedau'n ymblethu’n berygus, nes bod yn rhaid i'r ddau benderfynu pwy ydynt, a pha ochr i'r rhaff y maent yn sefyll arni.Wedi'i pherfformio gan ddau actor yn unig, mae Making a Killing yn gomedi dywyll, finiog am gyfiawnder, llygredd, a chost goroesi mewn byd sy'n anghyfforddus o debyg i'n byd ni. Yn feiddgar, yn frathog, ac yn amhosibl ei hanwybyddu, ysbrydolwyd y ddrama gan The Journal of Master Franz Schmidt, Public Executioner of Nuremberg, 1573–1617. Dyma gofnod hanesyddol rhyfeddol sy'n datgelu dynoliaeth a chroesebau dyn a laddodd i ennill bywoliaeth.Gellir trefnu Taith Gyffwrdd o amgylch y set - cysylltwch â'r Swyddfa Docynnau i ddangos eich diddordeb.
Canllawiau Cynnwys: Mae'r sioe yn cynnwys rhegi, a themâu ynghylch dienyddiadau
Anghenion Mynediad: A wnewch chi gysylltu â ni os oes gennych unrhyw anghenion mynediad a fyddai’n gofyn am seddi addas, neu os oes angen lle priodol i gadair olwyn yn yr awditoriwm.
