Ysgol Lwyfan a Theatr Ieuenctid - Aber Arts

Ydych chi'n berson ifanc sy'n caru actio, canu a dawnsio?

Os felly, ymuno â theatr ieuenctid yw’r ffordd berffaith i chi gymryd rhan yn y celfyddydau perfformio.

Gallwch ddysgu popeth o dechnegau actio i grefft llwyfan, a chewch gyfle i berfformio o flaen cynulleidfa. Byddwch hefyd yn gwneud ffrindiau newydd ac yn adeiladu atgofion parhaol.

1 / 3

Ein dosbarthiadau

Mae ein Hysgol Lwyfan a Theatr Ieuenctid yn cynnig hyfforddiant actio proffesiynol ar gyfer perfformwyr ifanc o bob oedran mewn amgylchedd hwyliog, cefnogol a chynhwysol. Trwy eu dosbarthiadau rheolaidd, bydd aelodau yn datblygu eu sgiliau mewn actio, dawnsio a chanu, gyda chyfleoedd blynyddol i ymarfer eu sgiliau trwy gyflwyniadau yn y stiwdio a pherfformiadau ar y prif lwyfan, yn ogystal â’r cyfle i sefyll arholiadau LAMDA. Trwy waith Theatr bydd y plant hefyd yn dysgu sgiliau bywyd hanfodol megis hunan hyder, gweithio fel rhan o dîm, siarad cyhoeddus, cydsymudiad a chanolbwyntio. Mae’r Ysgol Lwyfan yn cyflogi athrawon proffesiynol profiadol sy’n angerddol ynglyn â theatr ac addysg – i sicrhau ein bod yn cyfarfod ag anghenion y grŵp a’r unigolyn fel ei gilydd.

Mae cynyrchiadau diweddar ein Hysgol Lwyfan a Theatr Ieuenctid yn cynnwys ‘The Lion, the Witch and the Wardrobe’, ‘Samphire’, ‘The Greatest Show’, ‘Elf Jr’, ‘Matilda Jr’, ‘Aberetwm’, ‘Hansel and Gretel’, ‘Cable Street’.

Arholiadau LAMDA

Academi Gerddoriaeth a Chelf Ddramatig Llundain yw’r ysgol ddrama hynaf yn y DU. ‘Rydym yn cynnig y cyfle i unrhyw fyfyriwr, boed yn rhan o’r ysgol lwyfan ai peidio, i sefyll arholiadau LAMDA. Bydd myfyrwyr yn cael y cyfle i sefyll yr arholiad actio, gan berfformio unai ar ei ben ei hun neu ymddiddan rhwng dau. Mae’r arholiadau hyn yn helpu i wella hyder a sgiliau siarad cyhoeddus a fydd o fudd i unrhyw blentyn. Mae arholiad LAMDA mewn lleferydd a drama yn cyfateb i radd gerddoriaeth sy’n mynd i fyny at Radd 8, gyda Graddau 6, 7, ac 8 yn werth pwyntiau UCAS a all helpu i symud taith eich plentyn ymlaen i addysg uwch. Bydd myfyrwyr sy’n sefyll arholiadau LAMDA yn derbyn sesiynau un-i-un gydag athrawon LAMDA cofrestredig cymwys. Fel Canolfan Breifat LAMDA, ‘rydym yn trefnu ac yn cynnal ein sesiynau arholiadau ein hunain fel y gall myfyrwyr sefyll arholiadau yma yng Nghanolfan y Celfyddydau Aberystwyth gan osgoi teithio i rywle anghyfarwydd.

Ymunwch Heddiw

I ddysgu mwy am ein dosbarthiadau dawns neu i gofrestru eich plentyn, cysylltwch â ni yn takepart@aber.ac.uk neu ffoniwch 01970 622888.

Fel arall, gallwch ymuno â’n rhestr aros a byddwn yn cysylltu â chi cyn gynted ag y bydd gennym fwy o wybodaeth.

Ymunwch â rhestr aros eich hysgol lwyfan

Ein Dosbarthiadau

Sêr Bach (3-4 oed)

Mae ein dosbarthiadau Sêr Bach yn anelu at adeiladu hyder ac annog hunan-fynegiant trwy sgiliau sylfaenol mewn dawnsio ac actio ar gyfer plant 3 i 4 oed mewn amgylchedd hwyliog a chefnogol. O dan arweiniad hyfforddwr gofalgar, bydd dychymyg eich plentyn yn blodeuo a bydd ei gydsymud corfforol yn gwella wrth iddo archwilio meysydd hudolus dawnsio ac actio tra’n gwneud ffrindiau newydd.

Cofrestrwch yma

Preliwdau (5-6)

Mae Preliwd yn gyfuniad perffaith o hwyl, hunan-fynegiant ac adeiladu sgiliau ar gyfer plant 5 a 6 oed. Trwy gyfuniad hyfryd o ddawnsio ac actio, bydd eich plentyn yn cychwyn ar daith o ddarganfod, dysgu a datblygiad wrth iddo ryddhau ei ddychymyg, datblygu cydsymud corfforol, a meithrin cyfeillgarwch mewn amgylchedd cefnogol ac anogol.

Cofrestrwch Yma

Ysgol Lwyfan Iau (6-9 oed)

Cynllunir ein Hysgol Lwyfan Iau ar gyfer myfyrwyr blwyddyn 2 i 3 i ddatblygu eu sgiliau mewn actio, dawnsio a chanu o dan arweiniad athrawon cefnogol ac anogol. Bydd myfyrwyr yn magu eu hyder a’u creadigrwydd mewn amgylchedd difyr a chymdeithasol. Byddant yn cael y cyfle i ymarfer eu sgiliau trwy gymryd rhan mewn cyflwyniadau yn y stwidio a pherfformiadau ar y prif lwyfan.

Ymunwch â’r rhestr aros

Ysgol Lwyfan Hŷn (9-11 oed)

Cynllunir ein Hysgol Lwyfan Hŷn ar gyfer myfyrwyr blwyddyn 4 i 6 i ddatblygu eu sgiliau mewn actio, dawnsio a chanu o dan arweiniad athrawon cefnogol ac anogol. Bydd myfyrwyr yn magu eu hyder a’u creadigrwydd trwy gemau theatr, ymarferion drama, a pherfformiadau ar y prif lwyfan. Ein hamgylchedd croesawgar a chefnogol yw’r lle perffaith i fyfyrwyr ddatblygu eu gallu actio a chyfarfod â phobl newydd.

Ymunwch â’r rhestr aros

Theatr Ieuenctid Iau (11-14 oed)

Cynllunir ein Theatr Ieuenctid Iau ar gyfer myfyrwyr blwyddyn 7 i 9, os ydynt yn ddechreuwyr llwyr neu’n dymuno mynd â’u sgiliau perfformio i lefel uwch. Trwy gynyrchiadau ar y prif lwyfan, yn erbyn cefndir o gemau theatr ac ymarferion drama, mae aelodau’r Theatr Ieuenctid yn dysgu ac yn datblygu elfennau sylfaenol hyfforddiant actio mewn ffordd hwyliog, cynyddol a strwythuredig.

Cofrestrwch Yma

Theatr Ieuenctid Hŷn (14-18 oed)

Cynllunir ein Theatr Ieuenctid Hŷn ar gyfer myfyrwyr blwyddyn 10 i 13 i archwilio'r grefft o adrodd straeon, datblygu cymeriad, dawns, canu a phresenoldeb llwyfan. Os ydych yn egin actor, yn dechnegydd y dyfodol, neu jyst yn awyddus i roi hwb i’ch hunan-hyder, ‘rydym yn croesawu pob lefel o sgiliau. ‘Rydym yn cynnig y cyfle i gymryd rhan mewn cynyrchiadau llwyfan yn ogystal â datblygu sgiliau hanfodol megis gwaith tîm, siarad cyhoeddus, datblygu cymeriad, a hud adrodd straeon.

Cofrestrwch Yma

Cynyrchaidau Sy'n Dod Yn Fuan

NT Connections - Orchestra

Theatr Ieuenctid Canolfan y Celfyddydau Aberystwyth yn cyflwyno Orchestra gan Charlie Josephine. Dyma ddrama am gerddorfa ieuenctid sy’n ymarfer yn ystod gwyliau hanner tymor ar gyfer cyngerdd. Mae digwyddiadau annisgwyl yn achosi iddynt gwestiynu eu cysylltiad gyda’r syniad o lwyddiant. Sut ydych yn diogelu llawenydd y proses tra ar yr un pryd yn ymdrechu i fod y gorau? A yw anelu at ragoriaeth artistig yn werth y pwysau o golli eich enaid?

National Theatre Connections

Dyma ŵyl theatr ieuenctid flynyddol Theatr Genedlaethol Lloegr. Mae gan y rhaglen hanes o feithrin talent pobl ifanc o bob rhan o’r DU. Bob blwyddyn, mae Connections yn comisiynu dramâu newydd i bobl ifanc eu perfformio, gan ddod at ei gilydd rai o ysgrifenwyr mwyaf cyffrous y DU gyda gwneuthurwyr theatr y dyfodol.

Frozen Jr

Mae Ysgol Lwyfan Canolfan y Celfyddydau Aberystwyth yn falch i gyflwyno Cynhyrchiad Ieuenctid o Frozen JR. Mae Frozen JR. yn seiliedig ar sioe gerdd Broadway a’r West End yn 2018, ac mae’n dod ag Elsa, Anna, a gwlad hudolus Arendelle yn fyw ar y llwyfan. Mae’r sioe yn nodweddu yr holl ganeuon cofiadwy o’r ffilm animeiddiedig, gyda cherddoriaeth a geiriau gan Kristen Anderson-Lopez a Robert Lopez, ynghyd â phump o ganeuon newydd a ysgrifennwyd ar gyfer cynhyrchiad Broadway a’r West End.

Archewbwch Nawr

P'un a ydych wedi mynychu sioe, ffilm neu arddangosfa, wedi cymryd rhan yn un o'n dosbarthiadau, neu wedi galw heibio am goffi, rydym yn gwerthfawrogi eich adborth. P'un a gawsoch brofiad gwych neu os oes rhywbeth y gallwn ei wella, rydym bob amser yn awyddus i glywed gennych.