Event Info
Canllaw Oedran: 6+ oed
Rhediad: I’w ddilyn
Perfformiad unwaith-mewn-oes o Serch yw'r Doctor,campwaith digri Arwel Hughes a Saunders Lewis, wedi'i berfformio gan gerddorfa Opera Cenedlaethol Cymru, wedi'i arwain gan Gyfarwyddwr Artistig Musicfest, Iwan Davies, gyda'r unawdwyr blaenllaw Fflur Wyn, Robert Lewis, Paul Carey Jones, Steffan Lloyd Owen a Sioned Gwen Davies.
Wrth nodi 40 mlynedd ers marwolaeth Saunders Lewis, ac ym mlwyddyn ymweliad yr Eisteddfod Genedlaethol i fro geni Arwel Hughes, dyma deyrnged addas i ddau o ffigyrau creadigol amlycaf Cymru yn yr ugeinfed ganrif.
Perfformiwyd y gwaith yn gyntaf yn Eisteddfod Genedlaethol 1960, yn union 65 mlynedd i ddydd y perfformiad hwn. Cefnogir y digwyddiad gan Gronfa Goffa Saunders Lewis.
Anghenion Mynediad: A wnewch chi gysylltu â ni os oes gennych unrhyw anghenion mynediad a fyddai’n gofyn am seddi addas, neu os oes angen lle priodol i gadair olwyn yn yr awditoriwm.
