Event Info
Cyfarwyddwr: Max Keegan, Y Deyrnas Unedig/Ffrainc/UDA, 2024, 101', Ffrangeg gyda is-deitlau Saesneg
Wedi’i osod yn uchel ym mynyddoedd mawreddog y Pyrenees yn Ffrainc, mae The Shepherd and the Bear yn archwilio gwrthdaro a ysgogwyd gan ailgyflwyno eirth brown yng nghanol cymuned fugeilio draddodiadol. Mae’r ffilm yn dilyn bugail sy’n heneiddio sy’n ei chael hi’n anodd dod o hyd i olynydd wrth i eirth ysglyfaethu ar ei braidd, a bachgen yn ei arddegau sy’n mynd yn obsesiynol am olrhain yr eirth. Gyda sinematograffi syfrdanol ac adrodd stori trochol, mae hon yn chwedl werin fodern am draddodiad, cymuned a pherthynas dynoliaeth â byd natur sy’n cilio.
“Lyrical, visually and aurally ravishing” - Screen International
⭐Enwebiad BIFA am y Ffilm Ddogfen Orau
Eleni mae Gŵyl Ffilm WOW yn 25 oed, yn dathlu’r gorau oll o sinema Cymru a’r byd. Rhwng 20-28 Mawrth 2026, byddwn yn dod â hudoliaeth ffilm i ‘gartref’ ein gŵyl, Aberystwyth. Byddwn yn dangos amrywiaeth gyfoethog o ffilmiau sy’n amlygu talent leol a straeon byd-eang. Ymunwch â ni wrth i ni ddathlu 25 mlynedd anhygoel o WOW – a grym sinema i gysylltu ac ysbrydoli.
** Prynwch eich Pas YMA ‘nawr: Am £80 cewch fynediad i bob ffilm WOW a ddangosir yng Nghanolfan y Celfyddydau **
Mae’r Pas yn cynnwys yr holl ffilmiau a digwyddiadau sy'n digwydd yng Nghanolfan y Celfyddydau Aberystwyth, ac eithrio dangosiad 'Little Amelie' - fel rhan o Abercon - ar Fawrth 14. Rhaid archebu'r digwyddiadau sy'n digwydd yn Arad Goch ar wahân hefyd. Wrth archebu, rhowch wybod i'r Swyddfa Docynnau pa sedd sydd orau gennych ac os oes gennych unrhyw anghenion mynediad.
