Ffair Grefftau Y Gaeaf

Mae Ffair Grefftau’r Gaeaf Canolfan y Celfyddydau Aberystwyth 2023 yn addo i fod yn uchafbwynt y tymor Nadoligaidd, gan arddangos talentau crefftwyr ac artistiaid lleol gyda thros 50 o stondinau yn gwerthu amrediad hyfryd o grefftau ac anrhegion.

Gall ymwelwyr ddisgwyl amrediad eang o grefftau unigryw a wneir â’r llaw, yn amrywio o serameg a chrochenwaith i decstiliau, gemwaith a gwaith coed. Mae pob darn yn cael ei grefftio’n ofalus gan artistiaid talentog, gan sicrhau ansawdd uchel a sylw at fanylion.  Un o nodweddion allweddol y ffair yw ei phwyslais ar gefnogi talent leol. Mae llawer o’r artistiaid sy’n arddangos eu gwaith yn dod o Aberystwyth a’r cyffiniau, gan roi cyfle i ymwelwyr ddarganfod a chefnogi’r gymuned greadigol fywiog yn yr ardal.

Mae Ffair Grefftau’r Gaeaf yn llawer mwy na phrofiad siopa yn unig; mae’n ddathliad o’r celfyddydau ac yn fodd i gryfhau’r sîn greadigol leol. Mae’r digwyddiad yn meithrin ymdeimlad o gymuned, gan y gall ymwelwyr sgwrsio â chyd-selogion celf, cyfnewid syniadau, a datblygu cysylltiadau gydag unigolion o’r un meddylfryd.

Hefyd, mae’r ffair yn cyfrannu at dyfiant economaidd y rhanbarth. Trwy arddangos ac hyrwyddo artistiaid lleol, mae’n annog cefnogaeth busnesau bach.

Gyda’i naws Nadoligaidd a’i thoreth o dalent artistig, mae Ffair Grefftau’r Gaeaf yn ddigwyddiad y dylai unrhyw un sy’n chwilio am anrhegion unigryw a meddylgar ymweld ag ef. Os ydych yn chwilio am ddarn hyfryd o emwaith, addurniad Nadolig wedi’i wneud â llaw, neu eitem decstiliau steilus, ni chewch eich siomi gan yr amrywiaeth eang o grefftau sydd ar gael.

I’r rhai sydd am gymryd hoe fach rhag siopa, mae sinema Canolfan y Celfyddydau yn dangos ffilmiau yn y prynhawn a min nos ac mae ganddi gaffi hyfryd sy’n cynnig golygfeydd ar draws Bae Ceredigion ac yn darparu saladau iachus, bwyd poeth cartref a chacennau blasus tu hwnt! Yn Waffl (Caffi’r Piazza) gweinir hefyd latte sinsir a dewis gwych o bwdinau bendigedig. Hefyd ceir nifer o berfformiadau cerddorol Nadoligaidd byw gan gerddorion lleol i ychwanegu at yr awyrgylch tymhorol. Gallwch hefyd gynllunio eich diwrnod ac wedyn aros ymlaen am berfformiad yn yr hwyr! Mae Ffair Grefftau’r Gaeaf Canolfan y Celfyddydau 2023 yn addo i fod yn brofiad pleserus a difyr i bawb.  Trefnwch ymweliad â’r ffair unigryw hon a darganfyddwch hud crefftau wedi eu gwneud â llaw yn nhref gyfareddol Aberystwyth.

Mae’r Ffair Grefftau ar agor 10am – 8pm Dydd Llun tan Dydd Sadwrn a 12-5pm ar Ddydd Sul. Diwrnod ola’r Ffair yw 22^ain Rhagfyr, felly ymwelwch yn fuan!

Bydd artistiaid yn cynnwys: